ا
كان ياماكان زمان زمان
كان ليه وحده صحبتى
كانت ليه احلى صحبه
كانت هى بيت وصحبه
اجرى عليها فى وحدتى وبايدها تمسح دمعتى
فى المحن ألجأ اليها
وفى الشده اتحامى فيها
تسمع شكوتى تمسح دمعتى تفرح معايا لفرحتى
ومع الايام
اتبدل المكان .....اتبدل الزمان
والى افتكرته صديق فجأه لاقيته غريب
وكمان زمان كان ياما كان ليه صبحه
كانت ليه امان وفرحه
فجأه بقيت فى الدرب وحيد
بعد الصفا والود والضحكه الى كانت طالعه من القلب
اتفرقت المصالح ...اتغيرت الملامح
رحت ادور فى العيون
على نظره صافيه وقلب حنون
اتحجرت العيون واتغلبت الظنون
ورحت أسال ميت سؤال
ليه الآسى ليه العناد
ليه الجفا ليه البعاد
دا احنا كنا قلب واحد فكر واحد
وعمر ما كان بينا اختلاف
قالت مصالح قالت منافع قالت انا وبعدى الطوفان
صرخت قلت ما تضيعيش ..ما تكسريش
ودى وحبى ما تفرطيش
قالت مافيش خلاص ما فيش
انا اصلى ليه دنيتى
صعب الكلام بدأ الخصام
راح قلب صافى وود حنون
ودنيا حلوه تضمنا
نفرح سوا نضحك سوا
وبأيدها تعمل قهوتى
نشرب سوا نرسم سوا
اللوحه دى من فكرتى
ونجيب قماش خرز وازاز ويالا بينا نبتدى
كان بيها تكمل فسحتى
مرت سنين واحنا جيران خطوتها كانت مع خطوتى
دخلت ما بينا المصالح
تاهت منا الملامح
ضاع من طريقنا كل المعالم
راحت منا البراءه..... قامت بينا السدود
وكان زمان كان ياما كان
كان ليه واحده صحبتى
.............