أعجبنى موضوع انزع غطاء من حولك وبدأت أكتب ما رأيت بداخل من حولى

أعجبنى موضوع انزع غطاء من حولك وبدأت أكتب ما رأيت بداخل من حولى فوجدتهم

فى حالة حب
سألونى عنها قولت دى حالة حب
وصفولى جمالها قولت الله ع الحب
حتى دموعها فى عيونها قولت ده شوق الحب
حتى كلامها فى ضحكتها قولت دى فرحة حب
حتى حكولى احلامها قولت ده همس الحب
خلونى أتخيلها أرسم فى ملامحى ضحكتها
أتصور اذاى كانت مشيتها
حتى دموعها حسيت انى شايفها
حتى الاه لما بتبكى كأنى حاسسها
وفى وسط مافيه من احساس
وكمان شوق خلانى اتوه فى مشاعرى وخلاص
واتغزل فى فراشة مرسومة فى كراس
وكأنها واقفه على أديه
وكأنها حسه بكل ما فيه
صعبت عليها جت تواسينى وتشد على أديه
قولتلها ودموعى عزه عليه
حبتها من كتر ما وصفوها ليه
شفت الدنيا فى عيون ورديه
ونسيت انى بداوى الحب
بوصف للناس أدوية الحب
وبطيب فى قلوبهم جرح الحب
ولقيت قلبى واقع فى حالة حب
وفى وسط الحزن اللى ما فيه
ضحكت على نفسى ضحكة أويه
لما صحيت ولقيت نفسى لسه فى سريرى مرميه
واللى حصلى وكل ما فيه
كان حلم فى غفوة ليلية
ودى كانت حالة حب
لكل الناس اللى حواليه

بقلم / هبه الاخضر

تسلميلى ياهوبه
بجد كلمات جميله واحساس رائع اروع من الحقيقه
تسلم ايدك بجد

» انزع غطاء من حولك وانظر لهم من داخلهم لتشعر بهم
» الان يجب ان اتوقف
» موضوع جميل ومفيد للجميع