miss. dalia sobhy Admin
عدد المساهمات : 189 تاريخ التسجيل : 04/11/2010 الموقع : https://elwehda1.ahlamontada.com
| موضوع: حب من اول نظره الأربعاء مارس 09, 2011 10:08 pm | |
| حب من اول نظره
كتير من الناس بيسـأل وخصوصا الشباب:
...هو فيه حاجة اسمها حب من اول نظره؟؟
وفيه ناس تقول : انا مش مقتنع باول نظرة دى.. ممكن نقول هو فيه حب بلغة العيون؟؟
يعنى ايه؟؟
يعنى تبقى قاعد فى المدرج وعينيك بتلف هنا وهناك .. تقوم عينيك واقعه فى عين احد الانسات الفضيلات ..
تقول : بس .. يا سلام.. اخيرا لقيت حب عمرى..!
وهى تقول الولد ده شكله بيحبنى.. انا ملاحظه نظراته ..
وتستمر الحدوته ويقعدوا يحلموا في بعض..
وطبعا الحوار ده منه كتيييييييييييير..!!
نتكلم جد شويه بقى.. كل اللى بيحصل ده يا شباب ويا بنات اسمه انجذاب فطرى..
مفيش حاجه اسمها حب من اول نظره ولا تانى نظره ولا عاشر نظره..!!
دلوقتي هتلاقى واحد ولا واحده بيرد (فى اعماقه طبعا) ويقول: اصلك مجربتش ..واللى ايده فى الميه مش زى اللى ايده فى النار.. ده الحب من اول نظره ده حاجه كده متتوصفش !!
يا اخي ..يا اختى .. كفايه بقى...عايزين نبطل نضحك على نفسنا شويه..! زى ما قولنا ..ده اسمه انجذاب فطرى بين الرجل والمرأه..هو ربنا خالقنا كده..
مثال بسيط..
لو اعتبرنا الولاد قطب موجب + والبنات قطب سالب ـ لازم يحصل تجاذب.. ايا كان مين الولد وايا كانت مين البنت!!
علشان كده الدين حطلنا ضوابط علشان يمنع الفتنه دى.. فامرنا بغض البصر وامر البنات بعدم الخضوع بالقول وعدم الاختلاط اللى ملوش لازمه وهكذا...
فبلاش تعيش نفسك الوهم ده !!
هيرد شاب محترم او بنت محترمه وهيقول : ده مش وهم.. وحضرتك كفاية اساءه للحب الشريف الطاهر..انت عمال تغلط واحنا ساكتين !! انا على ايدي دي كذا واحده من صحباتي متجوزين اولاد حبوهم كده .. وانا كمان كذا واحد من اصحابى اتجوز واحده بالطريقه دى!
يا اخى ..يا اختى.. لو فرضنا ان ده بيحصل..هل دي قاعده عامه؟؟ لا طبعا...كام واحد او واحده بيتجوزا كده؟؟ وهل الجواز بيبقى سعيد بعد كده؟؟ معتقدش!!
وخليك فاكر كويس ان واحده بصتلك ..اكيد بصت لغيرك قبل كده او هتبص بعد كده! وخليكى فاكره كويس ان واحد بصلك..اكيد بص لغيرك قبل كده او هيبص بعد كده!
هيرد الشاب المحترم تانى ويقول: احنا مش بنبص لبعض.. ده انا اول ما عينيا بتيجى فى عينيها بروح منزل عيني وهى كذلك.. شوفت بقى ان حبنا حب طاهر ازاى غير اى حب تانى!
نرجع ونقول لو كان ده بيحصل..فده فى الاول بس..بيبقى فيه لسه شوية حياء موجودين.. والموضوع بيطور بعد كده زى ما كلنا بنشوف ولا انت مش معايا؟؟!!
يبقى اتفقنا ان مفيش حاجه اسمها حب من اول نظره والكلام ده.. الحب الحقيقى بينشأ من الالفه والموده بعد الجواز..
نصيحتى فى اخر الموضوع ..لكل بنت ..حياءك هو زينتك.. لو اتشال ..مش هيبقى ليكى لا طعم ولا لون ..
احفظى نفسك ..ومتخافيش على الجواز.. الشاب اللى هيتجوزك اسمه مكتوب من يوم ما خلق الله الخليقة بخمسين ألف سنه
الدليل قول النبي فيما معناه (أن الله خلق القلم فقال له اكتب قال ما أكتب قال اكتب أقدار الناس وماهو كائن الي يوم القيامه)
..يعني مش نظرتك ليه او حبك ليه هو اللى هيخيله يتجوزك.. طهرى قلبك من كل حب حرام..وحطى بداله حب لله ..اعظم حب فى الوجود..
وانت يا اخي..مش ناوى تغض بصرك بقى..؟؟ اصبر واستعن بالله.. ومن يستعفف يعفه الله..ومن يتصبر يصبره الله.. وخليك حريص فى اختيار زوجتك ام اولادك.. الدين ثم الدين ثم الدين ..والا هتندم طول عمرك..
طهر قلبك من الحب الحرام.. وحط بداله حب الله.. اعظم حب فى الوجود..
ولو ناوى على جواز بجد.. ادخل البيت من بابه وتوكل على الله
منقووووووووووووول
.
| |
|